Jennie, Tuur, Ivo en Wieke boartsje yn ’e sânbak. Dan fine se ynienen in deade fûgel. Jennie draaft fan skrik nei hûs. “Jennie is in bangeskiter!” joelje de oare bern. Sels op skoalle pleagje se har. De juf grypt yn. Se freget de bern om op te skriuwen wat se eng fine. Dan blykt dat alle bern wol ergens bang foar binne. En grutte minsken ek! Ast dat fan dysels witst, hoechst in oar dêr ek net mear mei te pleagjen.